Fatti mandare dalla mamma...a prendere il latte(cliccate per vedere il video)

http://youtu.be/uwS7wF6zdLQ

Ciao amiche ed  amici,

penso che conoscerete questa bella canzone  di Gianni Morandi degli anni 60......fatti mandare dalla mamma a prendere il latte.Non so se Gianni Morandi si sia ispirato a  qualcosa  che faceva o che aveva fatto da piccolo ma forse sì, perchè anche lui ha vissuto in un piccolo centro agricolo come  me  e come tanti amici  salentini.

Negli anni 50,inizio anni 60,si usava infatti,andare a prendere il latte  da  qualche famiglia che aveva le mucche e vendeva il latte.Proprio così,aveva le mucche in casa  o quasi e la vendita del latte era uno dei sostentamenti familiari.

C'erano anche degli appositi contenitori dove mettere il latte "u puzzunettu".Quello che vedete in foto è proprio il mio con il quale andavo a prendere il latte.Sono riuscito,infatti,quest'anno a raccogliere tantissimi vecchi oggetti che rappresentano la nostra storia,la nostra cultura e collocarli in degli scaffali,proprio in un mio locale che negli anni 50 era una stalla.

A tal proposito se volete vedere le foto di altri oggetti che ci appartengono,guardate le foto inserite sotto il blog.

Un caro saluto a  tutti  voi

Giò Vilei

Mamma-poesia in dialetto Salentino di Gioacchino Vilei

(Dalla mia raccolta  di poesie in dialetto salentino del 1991)


Mamma
(dedicata  a mia madre)

Poeti,cantanti,scrittori,artisti
tutti hannu scrittu versi insuperabili
pe la mamma.


Iou nu su nienti rispettu a quisti,
ma nu boiu fazzu cattiva ficura
propriu cu signuria,Mamma.


Ce taggiu dire?
tante cose,ma soprattuttu
ca stampi comu lu tou
nun ci ne cchiui.


Sempre disponibile,premurosa,
sicura e curretta cu tutti.

Nu face nienti ca lu Signore
ta date tante sofferenze de ogni tipu:
Signuria si stata sempre cranne e l'hai
superate sempre cu rassegnazione.

Prima de tuttu li fiji toi,poi l'autri
e poi se è statu possibile,hai pinsatu pe Signuria;
ma sta possibilità è rimasta spessu nu sognu.

Mamma moi me manchi tantu a Milanu
ma speru cu tornu quantu prima
a Giurdignanu.


Jou e li fiji toi te dicimu grazie,
Mamma,de quidrhu ca hai fattu pe nui


Gioacchino Vilei

(commento personale)


Mia mamma è stata la persona più importante della mia vita  e mi manca  tanto da quando non c'è più tra noi.

Giurdignanu nosciu(la nostra Giurdignano)-poesia in dialetto salentino di Gioacchino Vilei

GIURDIGNANU NOSCIU
(dedicata a fraima lu Ginu)


Giurdignanu nosciu
nunnè grande,ne bellu
ma caratteristicu e
cu tanti monumenti antichi
e tanti bravi cristiani:
li dolmen,li menhir,
centuporte,la chiesa bizantina
e soprattuttu la
culonna de santu Roccu

Moi s'è puru rimodernatu,
culla trattoria degli amici
e lu locale Nostra signora dei turchi.
Giurdignanu nu tene lu mare
ma d'estate tene tanti turisti
Giurdignanesi ca stannu luntani
e tanti cristiani ca venene in vacanza.


E' caratteristicu per le
sue case bianche,basse,e
famosu poi per le feste patronali:
Santu Roccu,San Giuseppe,
la fera della Madonna del Rosario
e tante autre.
Giurdignanu,sij grande!!!!!

Gioacchino Vilei

(commento personale)
Giurdignano è un piccolo centro ma ricco di storia.Qualcosa l'amministrazione sta valorizzando e spero che continui a farlo.

Lu chierichettu(il chierichetto)-poesia in dialetto salentino di Gioacchino Vilei

LU CHIERICHETTU


Quannu erane vagnoni
più o meno tutti quanti
imu fattu li chierichetti
iou forse cchiui de l'autri
percè su sciutu puru in seminariu.

Comu pariune belli
culla cotta ianca
e comu me piacia quannu
putia fare lu capu chierichettu.


Lu capu chierichettu era quiru
ca purtava l'incensiere.
Iou e l'autri chierichetti
spittaune la duminica percè
lu preite ne tia la mancia.

Poi tutte le vagnone
ne guardaune e viniane nposta
a missa cu ne vitiane.


Dopu la missa,poi,
allu pallone sciucaune e
quarche fiata puru
allu biiardinu.

E moi ?


(commento personale)


Altri tempi quelli del chierichetto.Non c'era l'oratorio come adesso,ma la parrocchia era sempre un punto d'incontro

L'amici mei(i miei amici)-poesia in dialetto salentino di Gioacchino Vilei

L'AMICI MEI


(dedicata al grande amico Donato Accoto)


Naturalmente nu possu
cu ve nominu tutti
ma cu quistu scrittu
oiu cu ve salutu e ringraziu.


Nui meridionali,o comu dicune
a Milanu,nui terroni,simu stati
costretti quasi tutti a
ssire de casa noscia e cusì
nimu persi de vista.

Belli tiempi li nosci
quannu spensierati
ssiune a menzu la chiazza ed
erane li meiu de tutti.


Bastavane cinquecentu lire ppitunu
e allu restu pinsava l'amicu nosciu:
benzina,macchina,pizza,cinema.

Bastava na belvedere o na cinquecentu familiare
cu ne rinnia felici e poi quarche vagnona
alle feste de ballu se truava sempre.

Menzu quintu,na gassosa,do lupini,
quattru chiacchere e cusì passava
la duminica.


A tutti quanti nu salutu sinceru
de namicu sinceru:l'amicu osciu....
u CChinu o comu dicune a Milanu
Gio' o Gion

(commento personale)


Donato è stato e fortunatamente è ancora il mio più caro amico

Utrantu meu (Otranto mia)-poesia in dialetto salentino di Gioacchino Vilei

UTRANTU MEU
(dedicata a fraima lu Pippi)


Utrantu,si statu sempre bellu
e a mie mutu caru,
sia moi sia quannu eru vagnone;
me sentu na cosa ntra lu core
quannu sentu parlare de tie.

La spiaggia preferita
era la punta.
Certe fiate vinia cu lu trainu
oppuru culla vespa ca tannu
sulu patrima tinia a Giurdignanu.

E poi...lu bagnu...anzi
tanti bagni allu mare piccinnu,
antrà li cuti me facia.

A menzatie poi,propriu sulli cuti
mangiavane la pasta sciutta
ca nerene purtata de casa
e puru lu milune.

Comu era bellu
comu me piacia sciucare
cu fraima lu Pippi e culli
amici mei.

Moi,maggiu fattu cranne
nu te visciu comu prima
percè stau luntanu,
tie si divintatu mpurtante
ma pe mie si sempre comu prima.

Utrantu,puru ca nussù de quai,
nulli face nienti:fane finta ca teni
nu fiju de cchiui.


(commento personale)

Otranto mi è sempre piaciuta e adesso è conosciutissima e ha avuto forse uno sviluppo eccessivo.La spiaggia lascia un pò a desiderare

La festa de Santu Roccu(la festa di San Rocco)-poesia in dialetto Salentino di Gioacchino Vilei

(foto dell'amico Claudio Branca)

FESTA DE SANTU ROCCU
(dedicata all'amico Pino Corchia)



E' spicciatu lu tiempu
quannu cu tanta ansia
la festa de Santu Roccu se spittava.


Nu mese prima o forse cchiui
la casa se llattava,
poi allu vestitu se pinsava.
Ci putia,tuttu confezionatu
se lu ccattava,ci nu putia
la stoffa allu mercatu se pijava
e lu mesciu ne la cusia.


Se era pussibile puru
le scarpe nove ne ccattaune;
dipinnia se l'annata era bona
e se no quidre de la uttisciana
culla crema ne pulizaune.


Na simana prima ,la parazione rriava
e nui vagnoni ancontru lu carru sciane.
La festa poi se spittava,
anzi la viscilia
ca le barracche riaune e
versu sira sintivi critare:
Lu Costa osciu,belle e caute le nuscedrhe

La sira la processione se facia
lu Sindacu la stola se mintia
e dopu la funzione e lu Te Deum
la serata antrà la Tunata
cu nu pezzettu,menzu quintu
e na gassosa se spicciava.

La mmane de la festa la banda
lu paese era girare
e puru se facia cautu,
nun c'era nienti de fare.


Poi alla missa cantata
tutti erane scire
ca lu panegiricu erene sintire
de nu predicatore vinutu de luntanu
e guai a idrhu se nu parlava de li miraculi
de Santu Roccu e se nu spicciava la predica
culli benedici....benedici...


Spicciata la missa
subitu a casa sciune a mangiare
la pasta cullu sucu,lu lacciu,lu milune,anzi ddoi miluni:
unu de acqua e unu de pane.


La sira tutti cangiati
cullu vestitu nou
le banne se spittaune:
una de na vanna e una de l'autra
percè s'erene ncuntrare a
menzu la chiazza sunannu la
marcia triunfale.

Poi ncuminciava la serata
e le banne se alternaune
a sunare li pezzi d'opera lirica.

Alla fine culli fochi
la festa se spicciava
e stracchi e strutti a
durmire sciune.


Quista era la festa de Santu Roccu
de tanti anni rretu: E Moi?


(commento personale)


La festa di San Rocco resta sempre la grande festa del paese.Personalmente penso che senza cambiare le tradizioni,in qualche modo bisogna trovare delle soluzioni per cambiare qualcosa

Natale alle fije mei(Natale alle mie figlie)-poesia di Gioacchino Vilei

NATALE

(dedicata alle mie figlie:Annalisa-Silvia-Stefania)


Fije mei,
lu Natale de tanti anni rretu
quannu iou eru piccinnu comu ui
nautra cosa era.
Nove giurni prima de Natale,
la nuvena ncuminciava
e lu papà osciu
la mmane mprima se zava
e poi tuttu nsunnatu
alla chiesa rriava.


Tu scendi dalle stelle
se cantava e
aria de festa se sintia.
Alla scola poi,
la letterina de Natale sescrivia
e la recita e la poesia se mparava.


La notte de Natale,
tutti riuniti nanzi lu cantune
le mengule se cazzaune
e a "chirifì chirifò sciucaune.

Lu girnu de natale
cullu vestitu nou
a missa sciane.
A menzatie
la letterina de Natale sutta
lu piattu de patrima mintia
li sordi spittava
ca li simenti e li lupini
mera ccattare.

Tante belle cose se mangiaune
ma specialmente le pittule
le cartidrhate e li cunfritti cullu mele.
Nun c'erene tutti li regali de moi
ca tiniti ui a Natale
sutta l'albero:sia ca li regali
se faciune alla festa
della befana,sia ca
nun c'erene li sordi de moi.


Quistu era lu Natale
de lu papà osciu,povero ma bellu:
quannu divintati cranni
cuntatulu puru alli fiji osci

Gioacchino Vilei
(Considerazioni personali)
Questo era il mio Natale negli anni 50/60-Adesso è un'altra  cosa vero,ma spero sia altrettanto emozionante

Lu festivalla a Giurdignano(il festival a Giurdignano)-febbraio 1967-poesia in dialetto salentino di Gioacchino Vilei

LU FESTIVALLA
(dedicata all'amico Luigi Bruno)


Quanta fatica,quanta pascenza
per fare lu festivalla a Giurdignanu nosciu.
Propriu nu festivalla
alla grande,cullu complessu
antrà lu trappitu;
si,propriu trappitu
trasformatu in teatru.


Nussù chiacchere,ma è veru
sulu ci ha faticatu
lu po sapire.


Nu mese e forse cchiui
lu trappitu a pulizzare ncuminciamme
e a provare le canzuni
cullu complessu "i pipistrelli"


Poi lu palcu,culli banchi
dell'asilu preparamme,
po tutte le meju tuvaje e
lanzuli de la dote le fimmine
ne pristara.


Era bellu,mutu bellu.
Li cantanti,la giuria,lu presentatore,
lu complessu,la premiazione;propriu comu a Sanremu,
e puru nu picca de invidia e d'emozione
i cantanti tiniane.


E le canzuni ?belle....belle
bandiera gialla-nessuno mi può giudicare-ban bang-la fisarmonica ecc ecc


E lu guadagnu ?Mutu,mutu,
appena pe na pizza antrà lu "ziu Cicciu"


E la soddisfazione?
Tanta...tanta...veramente


Gioacchino Vilei

(considerazioni personali)
Dopo tantissimi anni c'è ancora gente di Giurdignano che ricorda questo avvenimento,ormai diventato storico-Sono contentissimo

Le feste noscie(le nostre feste)-poesia in dialetto salentino di Gioacchino Vilei

Le feste noscie
(dedicata all'amico Salvatore Rizzuni)


Belle erene le feste nosce
chine soprattuttu de masculi
ca le fimmine era difficile
cu viniane tannu.


A casa mia era lu puntu d'incontru
ccattaune l'occorrente
cacciannu tantu a pitunu.

Capudannu era caratteristicu
percè qualche amicu facia sparire
a sjrisa li cunij e poi
mamma Abbondanza li prepararava
culle patate allu tianu.


Famosu poi era divintatu
lu spruzzatore,era n'amicu
ca lu faciune ridere e poi
ne spruzzava tutti culla
ucca china de mieru.


Quannu poi le fimmine
nu viniane alle feste
cu na barzelletta,nu bbhieri de mieru
o de chinottu o rumpinnu bicchieri
se passava lu stessu la serata.

Belle erene le feste nosce
soprattuttu quannu se riuscia
a ballare li lenti o quannu
certi amici viniane a sunare culle chitarre;
nui nsomma ne ccuntinaune de picca.

E moi?

(Commento personale)

Altri tempi....altre emozioni....bastavano pochi soldi per essere felici.
Questa vuole essere una testimonianza di come ci si divertiva negli anni 60 a Giurdignano.
Adesso c'è la discoteca,ma soprattutto gira  la droga.A tutti gli amici dico  di divertirsi in discoteca ma la droga no assolutamente.
Voglio ricordare e salutare anche alcuni amici con i quali ci si divertiva:Donato Accoto-Luigi Bruno-Salvatore Rizzuni-Pino Corchia-Uccio D'Alba-Angiolino De Franciscis-Salvatore Vilei-